«Manchester Yunayted» APLning 5-turida safarda «Vest Hem»ni mag‘lub etdi (2:1). Bu Sulsher jamoasining mehmonda mag‘lub bo‘lmagan ketma-ket 29-o‘yiniga aylandi.
Seriya 2020 yil fevral oyida «Manchester Yunayted» safarda «Chelsi» ni 2:0 hisobida mag‘lub etgandan so‘ng boshlangandi. O‘shandan beri mankunianlar Premyer-liganing safar uchrashuvida mag‘lubiyatga uchrashmagan. Bu turnirning mutlaq rekordidir.
Eslatib o‘tamiz, APLning 5-turidan so‘ng Sulsher jamoasi 13 ochko to‘plab, «Liverpul» bilan birinchi o‘rinni bo‘lishib turibdi. Keyingi turda «Manchester Yunayted» o‘z uyida «Aston Villa» bilan o‘ynaydi.
