«Манчестер Юнайтед» АПЛнинг 5-турида сафарда «Вест Ҳем»ни мағлуб этди (2:1). Бу Сульшер жамоасининг меҳмонда мағлуб бўлмаган кетма-кет 29-ўйинига айланди.

Серия 2020 йил февраль ойида «Манчестер Юнайтед» сафарда «Челси» ни 2:0 ҳисобида мағлуб этгандан сўнг бошланганди. Ўшандан бери манкунианлар Премьер-лиганинг сафар учрашувида мағлубиятга учрашмаган. Бу турнирнинг мутлақ рекордидир.

Эслатиб ўтамиз, АПЛнинг 5-туридан сўнг Сульшер жамоаси 13 очко тўплаб, «Ливерпуль» билан биринчи ўринни бўлишиб турибди. Кейинги турда «Манчестер Юнайтед» ўз уйида «Астон Вилла» билан ўйнайди.