«Nasaf» bosh murabbiyi Ro‘ziqul Berdiyev «Bunyodkor»ga qarshi o‘yin haqida o‘z fikrlarini bildirdi.

«Bunyodkor»ni o‘yindan avval yaxshilab o‘rganib chiqqanmiz. Qanday kamchiliklari borligi menga yaxshi tanish. Menimcha, ko‘rsatmalarni yigitlar yaxshi bajarishdi, vaziyatlardan unumli foydalandik. Kuchli tayyorgarligimiz sababli ushbu hisobga erishdik.

Birinchi bo‘limda To‘rayevga ikkinchi sariq kartochka ko‘rsatish kerakligi borasida ancha e’tiroz bildirdim. Ushbu hodisani barcha muxlislar ham ko‘rib turishardi.

Biroq barcha hakamning o‘z pozisiyasi bor va ular bir narsaga asoslanishganki, bunday qarorga kelishgan. Buning ustiga o‘yinda VAR ishladi va ortiqcha e’tiroz bildirishga haqqim yo‘q. Barcha muxlislarimizni g‘alaba bilan tabriklayman», - deydi Berdiyev.

Eslatib o‘tamiz, «Nasaf» ushbu g‘alabadan so‘ng o‘z ochkolari sonini 33 taga yetkazib olib, 4-o‘rinni band etgan. Qarshiliklarda bitta zaxira o'yini ham mavjud.