«Насаф» бош мураббийи Рўзиқул Бердиев «Бунёдкор»га қарши ўйин ҳақида ўз фикрларини билдирди.

«Бунёдкор»ни ўйиндан аввал яхшилаб ўрганиб чиққанмиз. Қандай камчиликлари борлиги менга яхши таниш. Менимча, кўрсатмаларни йигитлар яхши бажаришди, вазиятлардан унумли фойдаландик. Кучли тайёргарлигимиз сабабли ушбу ҳисобга эришдик.

Биринчи бўлимда Тўраевга иккинчи сариқ карточка кўрсатиш кераклиги борасида анча эътироз билдирдим. Ушбу ҳодисани барча мухлислар ҳам кўриб туришарди.

Бироқ барча ҳакамнинг ўз позицияси бор ва улар бир нарсага асосланишганки, бундай қарорга келишган. Бунинг устига ўйинда ВАР ишлади ва ортиқча эътироз билдиришга ҳаққим йўқ. Барча мухлисларимизни ғалаба билан табриклайман», - дейди Бердиев.

Эслатиб ўтамиз, «Насаф» ушбу ғалабадан сўнг ўз очколари сонини 33 тага етказиб олиб, 4-ўринни банд этган. Қаршиликларда битта заҳира ўйини ҳам мавжуд.