La Gazette dello Sport xabariga ko‘ra, «Inter» yarimhimoyachi Marselo Brozovich bilan shartnomani uzaytirish ustida ishlamoqda.

Klub va Marselo o‘rtasida yaqin kunlar ichida uchrashuv bo‘lib o‘tadi va unda futbolchining maoshi muhokama qilinadi.

Hozirgi vaqtda Brozovich mavsum davomida 3,5 million yevro maosh oladi, futbolchining o‘zi daromadi ikki barobar ko‘payishini xohlamoqda, ammo «Inter» 5 million yevrodan ko‘p to‘lamoqchi emas.

Shuningdek, futbolchiga «Liverpul» va «Tottenxem» ham qiziqayotgani to‘g‘risida xabar bergan edik.