36 yoshida «Real»da ikkinchi yoshligini o‘tkazayotgan Luka Modrichga kutilmagana Amerika chempionatidan taklif chiqdi. Bu haqda todofichajes.com nashri xabar bermoqda.
Manbada aytilishicha, David Bekxemning «Inter Mayami» jamoasi xorvat futbolchisini o‘z safiga taklif qilmoqchi.
O‘tgan transfer oynasi vaqtida ham MLS klubi Lukani xarid qilmoqchiligi haqida xabarlar tarqalgandi, biroq ushbu bitim amalga oshmagandi.
Yaqinda chiqqan xabarlarga ko‘ra, Bekxem bir necha bor xorvatiyalik futbolchiga qo‘ng‘iroq qilib, uni ishontirishga harakat qilgan va jamoada birga ishlashni xohlashini ta’kidlagan.
