«Manchester Siti» klubi ustozi Pep Gvardiola kechagi o‘yindan keyin raqib haqida iliq fikrlar bildirib o‘tdi. U matbuot anjumanida quyidagicha dedi:
«Men uchun «Liverpul» dunyodagi uchta yaxshi klublardan biri. Agar sizda hujum chizig‘ida Mane, Saloh, Jota hamda Firminyo kabi futbolchilar bo‘lsa, himoyda esa Van Deykdek o‘yinchi tursa, hech bir raqibdan qo‘rqishingiz shart emas deb o‘ylayman. Ularning o‘yini shunchaki ajoyib».
Kecha shaharliklar «Enfild»da durangga imzo chekishdi. Ular FIFA kunlaridan keyin o‘z uyida «Byornli»ni qabul qilishadi.
