"MYU" bosh murabbiyi Ole Gunnar Sulsher jamoa futbolchisi Donni van de Bekka maydonda kam vaqt berilayotgani yuzasidan fikr bildirdi. U bu haqda shunday deydi:
"Barcha maydonga tushishni istaydi. Lekin biz eng yaxshilarini tanlab olishga harakat qilamiz. Donni barcha futbolchilar singari "Vilyarreal"ga qarshi bahsga tayyor edi. Men istalgan vaqtda o‘yinchi almashtirishim mumkin va zahira futbolchilarining hammasi bunga tayyor bo‘lishi kerak. Unga nisbatan chiqarilayotgan qarorlarimdan o‘zimni baxtli his etayotganim yo‘q, ammo murabbiy eng yaxshi yo‘lni tutishi lozim. Donni maydonda paytida hech qachon yomon taassurot qoldirmagan. Shunchaki, vaziyat ba’zida shuni taqozo etadi. Men futbolchilardagi umidsizliklarni yaxshi tushunaman".
"Qizil iblislar"ning APLdagi keyingi bahsi "Lester"ga qarshi kechadi.
