"МЮ" бош мураббийи Оле Гуннар Сульшер жамоа футболчиси Донни ван де Бекка майдонда кам вақт берилаётгани юзасидан фикр билдирди. У бу ҳақда шундай дейди:
"Барча майдонга тушишни истайди. Лекин биз энг яхшиларини танлаб олишга ҳаракат қиламиз. Донни барча футболчилар сингари "Вильярреал"га қарши баҳсга тайёр эди. Мен исталган вақтда ўйинчи алмаштиришим мумкин ва заҳира футболчиларининг ҳаммаси бунга тайёр бўлиши керак. Унга нисбатан чиқарилаётган қарорларимдан ўзимни бахтли ҳис этаётганим йўқ, аммо мураббий энг яхши йўлни тутиши лозим. Донни майдонда пайтида ҳеч қачон ёмон таассурот қолдирмаган. Шунчаки, вазият баъзида шуни тақозо этади. Мен футболчилардаги умидсизликларни яхши тушунаман".
"Қизил иблислар"нинг АПЛдаги кейинги баҳси "Лестер"га қарши кечади.