Italiya terma jamoasi bosh murabbiyi Roberto Manchini terma jamoa muxlislarini UEFA Millatlar ligasi yarim finalida Ispaniyaga (1:2) qarshi o‘yinda darvozabon Janluiji Donnarumma haqida hushtakbozlik qilganini qoraladi.
"Albatta, bu narsa Janluijiga ham, boshqalarga ham yoqmadi. Biz xafa bo‘ldik, chunki bu klub o‘yini emas, terma jamoa o‘yini edi. Muxlislar bularning barchasini boshqa uchrashuvda qilishi mumkin, masalan, "PSJ" - "Milan". Ammo terma jamoa o‘yinida emas, Italiya hamma narsadan ustun", - deya Manchinining so‘zlaridan iqtibos keltiradi Football Italia.
Eslatib o‘tamiz, 2021 yilning yozida Donnarumma "Milan"dan "PSJ" safiga erkin agent sifatida o‘tgan edi.