Италия терма жамоаси бош мураббийи Роберто Манчини терма жамоа мухлисларини УЕФА Миллатлар лигаси ярим финалида Испанияга (1:2) қарши ўйинда дарвозабон Жанлуижи Доннарумма ҳақида ҳуштакбозлик қилганини қоралади.
"Албатта, бу нарса Жанлуижига ҳам, бошқаларга ҳам ёқмади. Биз хафа бўлдик, чунки бу клуб ўйини эмас, терма жамоа ўйини эди. Мухлислар буларнинг барчасини бошқа учрашувда қилиши мумкин, масалан, "ПСЖ" - "Милан". Аммо терма жамоа ўйинида эмас, Италия ҳамма нарсадан устун", - дея Манчинининг сўзларидан иқтибос келтиради Football Italia.
Эслатиб ўтамиз, 2021 йилнинг ёзида Доннарумма "Милан"дан "ПСЖ" сафига эркин агент сифатида ўтган эди.