«Liverpul» hujumchisi Diogu Jota mushaklaridan olgan jarohati tufayli Portugaliya lagerini tark etib, klub ixtiyoriga qaytishga qaror qildi.
24 yoshli futbolchi Qatarga qarshi kechgan o‘rtoqlik uchrashuvini 3:0 hisobida o‘tkazib yuborgan edi. Shundan beri u tiklanish jarayonida qiyinchiliklarga duch kelmoqda.
«U ozgina mashg‘ulot o‘tkazdi, lekin umumiy guruhda ishlamadi. Biroz vaqtini maydonda o‘tkazishi uchun imkoniyat bor.
Men u bilan gaplashdim, ko‘ramiz, u o‘zini qanday his qiladi», - deydi Portugaliya terma jamoasi bosh murabbiyi Fernandu Santush jurnalistlarga bergan intervyusida.
Murabbiy Jotaning ahvoli yaxshilanmasa, uni «Liverpul»ga qo‘yib yuborishga va’da berdi.
«Qizillar» shanba kuni «Uotford» bilan o‘yin o‘tkazadi. O‘tgan mavsumda jarohatlar portugaliyalikning 21 uchrashuvda maydonga tushishiga to‘sqinlik qilgan edi.
