«Ливерпуль» ҳужумчиси Диогу Жота мушакларидан олган жароҳати туфайли Португалия лагерини тарк этиб, клуб ихтиёрига қайтишга қарор қилди.

24 ёшли футболчи Қатарга қарши кечган ўртоқлик учрашувини 3:0 ҳисобида ўтказиб юборган эди. Шундан бери у тикланиш жараёнида қийинчиликларга дуч келмоқда.

«У озгина машғулот ўтказди, лекин умумий гуруҳда ишламади. Бироз вақтини майдонда ўтказиши учун имконият бор.

Мен у билан гаплашдим, кўрамиз, у ўзини қандай ҳис қилади», - дейди Португалия терма жамоаси бош мураббийи Фернанду Сантуш журналистларга берган интервьюсида.

Мураббий Жотанинг аҳволи яхшиланмаса, уни «Ливерпуль»га қўйиб юборишга ваъда берди.

«Қизиллар» шанба куни «Уотфорд» билан ўйин ўтказади. Ўтган мавсумда жароҳатлар португалияликнинг 21 учрашувда майдонга тушишига тўсқинлик қилган эди.