"Barselona" JCH-2022 saralash bosqichida Urugvay Argentina o‘yinida (0:3) himoyachi Ronald Arauxoning jarohat olganini tasdiqladi, deya xabar beradi klub matbuot xizmati.
Tekshiruv natijasida 22 yoshli urugvaylik son qismida jarohati aniqlandi.
Himoyachining tiklanish muddati aniq emas. "Barselona" Arauxo biroz vaqtini jamoadan uzoqroqda o‘tkazishini ma’lum qildi. Klub uning jarohati bilan bog‘liq vaziyatning rivojlanishini kuzatib boradi.
Bu mavsumda himoyachi "ko‘k anorranglilar" safida 9ta o‘yin o‘tkazdi va 1 gol urdi.
