"Барселона" ЖЧ-2022 саралаш босқичида Уругвай Аргентина ўйинида (0:3) ҳимоячи Рональд Араухонинг жароҳат олганини тасдиқлади, дея хабар беради клуб матбуот хизмати.
Текширув натижасида 22 ёшли уругвайлик сон қисмида жароҳати аниқланди.
Ҳимоячининг тикланиш муддати аниқ эмас. "Барселона" Араухо бироз вақтини жамоадан узоқроқда ўтказишини маълум қилди. Клуб унинг жароҳати билан боғлиқ вазиятнинг ривожланишини кузатиб боради.
Бу мавсумда ҳимоячи "кўк анорранглилар" сафида 9та ўйин ўтказди ва 1 гол урди.
