2022 yilning yozida ko‘plab taniqli futbolchilarning o‘z klublari bilan tuzgan shartnomalari yakuniga yetadi. Ulardan ba’zilari hozirgi jamoalari bilan yangi kelishuvga erishadi, lekin ko‘pchilik ketadi. Agar jamoaga kerak futbolchining shartnoma bo‘yicha 8 oyi qolgan bo‘lsa, uning uchun katta imkoniyatlar ochiladi. 2,5 oydan so‘ng esa, quyida muhokama qilinadigan barcha futbolchilar boshqa klublar bilan rasman muzokara o‘tkazishi mumkin bo‘ladi.

Marhamat tanishing 2022 yilda shartnomasi yakuniga yetadigan futbolchilar ramziy terma jamoasi.

Darvozabon

Andre Onana («Ayaks», Kamerun, 25 yosh)

Onana o‘z xotini doimiy ravishda ichib yuradigan tabletkani behosdan ichib qo‘ygani uchun, bir yil futboldan chetlatildi. Uning organizmida doping aniqlandi. «Ayaks» shartnomani uzaytirish ustida ishladi, biroq futbolchi bilan kelisha olmadi, buni klub sport direktori Overmas tan oldi. Katta ehtimol bilan, Andre «Inter»ga o‘tadi, u yerda 37 yoshli Xandanovichning o‘rnini egallaydi.

Himoyachilar

Matias Ginter («Borussiya Menxengladbax», Germaniya, 27 yosh)

Ginter o‘tgan yozda «Borussiya»dan ketishga qarshi emasdi, lekin futbolchiga jiddiy qiziqqan jamoa topilmadi. Endi klub mudofaa chizig‘i yetakchisi tovon pulisiz qo‘yib yuboriladi, chunki Mattiasning top klubda o‘ynash istagi yo‘q emas. «Bavariya», «Liverpul», «Inter» va «Real» jahon chempionini o‘z saflarida ko‘rmoqchi.

Antonio Ryudiger («Chelsi», Germaniya, 28 yosh)

«Real» va «Bavariya» «Chelsi» bilan yangi shartnoma borasida kelisha olmagan Antonio Ryudiger uchun kurashmoqda. Ba’zi ma’lumotlarga ko‘ra, nemis himoyachisi Londonda qolmoqchi emas va allaqachon o‘z tanlovini Madrid foydasiga qilgan.

Niklas Zyule («Bavariya», Germaniya, 26 yosh)

Zyule nemis himoyachilari paradini shartnoma muddati bilan davom ettiradi. O‘tgan kuzda «Bavariya» Niklas bilan hamkorlikni davom ettirish istiqbolini ko‘rmadi, lekin Nagelsmann kelishi bilan ko‘p narsa o‘zgardi. Futbolchining o‘zi «Bavariya»da qolishini istisno qilmadi, lekin ayni paytda uning kelajagi «ochiq» ekanligini ta’kidlaydi. Premyer-ligadan «Chelsi» va «Nyukasl» Zyulega befarq emasligini ko‘pgina OAVlar ta’kidlashmoqda.

Marselo («Real», Braziliya, 33 yosh)

Yaqin vaqtgacha Marselo sayyoramizning eng yaxshi chap qanot himoyachisi edi va hozir u hatto o‘z jamoasida ham eng yaxshisi himoyachi nomidan yiroqda. Shartnoma tugashi bilan braziliyalik bilan jamoa bilan xayrlashsa hech kim ajablanmaydi, lekin uning ketishini oddiy hodisa deb atash mumkin emas. Marselo «Real» libosida ko‘p g‘alabalar va ajoyib uchrashuvlarni o‘tkazdi va u Ramos ketganidan keyin «Qirollik klubi» sardori bo‘lib qoldi.

Yarim himoyachilar

Marselo Brozovich («Inter», Xorvatiya, 28 yosh)

«Inter» Brozovich bilan shartnomani uzaytirmoqchi, ammo futbolchining boshqa istaklari bo‘lishi mumkin. Birinchidan, «nerazurri» o‘z taklifini kechiktirdi, ikkinchidan, Marselo bir nechta qiziqarli takliflardan birini tanlashi mumkin. U «Manchester Yunayted», «Barselona», «Liverpul», «Tottenxem», «PSJ» va «Milan»ning qiziqishlar ro‘yxatida.

Frank Kessiye (Milan, Kot-d'Ivuar, 24 yosh)

«Milan» ham muhim yarim himoyachisini yo‘qotish xavfi ostida, lekin una yiliga 8 million tevro to‘lashga hali boshqa klublar ham tayyor emas. Yo‘l-yo‘lakay, Kot-d'Ivuar termasi a’zosiga «Liverpul», «Barselona», «Inter» va «Manchester Yunayted»dan takliflar borligi aytilmoqda.

Pol Pogba («Manchester Yunayted», Fransiya, 28 yosh)

Brozovich va Kessiyega kelajagi haligacha aniq bo‘lmagan Pogbaning o‘rniga «Man Yunayted» kelishi mumkin. Italiyada Polning maoshini to‘lay oladigan klublar deyarli yo‘q, bu «Barselona» uchun ham tegishli, lekin fransuz «Real»ga o‘tishni xohlaydi, chunki uning bir nechta vatandoshlari «Real»da to‘p tepadi. Ammo, agar unga yiliga 20 million yevrodan ko‘proq mablag‘ berilsa, u «Manchester Yunayted» bilan shartnomani uzaytirishi mumkin.

Hujumchilar

Ansu Fati (Barselona, Ispaniya, 18 yosh)

Messi ketgach, Fati o‘ninchi raqam egasiga aylandi, «Barselona» uni klubning yangi yuziga aylantirishga qaror qildi va hamma narsa Ansu «Kamp Nou»da qolishiga bog‘liq. Bu qachon sodir bo‘lishi no‘malum, lekin hozircha iqtidorli yigit bo‘lajak erkin agentlar ro‘yxatida.

Paulo Dibala («Yuventus», Argentina, 27 yosh)

Dibala hali «Yuventus» bilan yangi shartnoma imzolamadi, garchi Italiyada ular bu oy oxirigacha sodir bo‘lishini aytishgan bo‘lsada. Turinliklar Pauloni yaxshi ko‘radi va uni loyihaning asosiy yulduziga aylantirishga tayyor, garchi argentinalik o‘tgan mavsumni o‘z imkoniyatlaridan ancha past o‘tkazgan bo‘lsa ham.

Kilian Mbappe (PSJ, Fransiya, 22 yosh)

Fransiyalik futbolchi futbol tarixidagi eng mashhur erkin agentga aylanish arafasida. «Real Madrid» o‘tgan yozda «PSJ» ga Mbappe uchun katta pul taklif qilgan, ammo parijliklar rad javobini berdi. Biroq Kilianning o‘zi orzusidan voz kechmagan. Taxminlarga qarganda, «qaymoqranglilar» qishda fransuz hujumchisini sotib olishga yana urinib ko‘radi. Agar «PSJ» bu vaqt ichida u bilan kelishuvga erishmasa, iyul oyida Mbappe erkin agent sifatida «Real» ga o‘tadi.

Ruslan Maksimov tayyorladi