FIFAning global futbolni rivojlantirish bo‘limi boshlig‘i Arsen Venger o‘zi taklif qilgan islohotlari haqida gapirdi.
«Men kelajak futbolini qanday yaxshilash haqida o‘ylardim. Xalqaro o‘yin taqvimi klub futboli va terma jamoa futboli o‘rtasidagi muvozanatni belgilaydi. Balansga 80:20 nisbatda erishiladi va biz uning shunday qolishini xohlaymiz. Ammo hozirgi format endi ishlamayapti va eskirgan», - deya FIFA rasmiy sayti Vengerning so‘zlarini keltiradi.
71 yoshli fransuz o‘zining taklif qilgan o‘zgarishlarini umumlashtirdi:
- terma jamoalar yig‘inlar sonini kamaytirib, lekin bir yig‘ilganda uzoq muddatga yig‘ilish;
- Bu taqvimga qo‘shimcha o‘yinlar qo‘shilmasdan, iyun oyida o‘tkaziladigan hal qiluvchi final turnirlari uchun joy yaratadi;
- futbolchilar uchun har yili majburiy dam olish vaqtini joriy etish;
«Bu mening kelajak futboli uchun takliflarim. Biz taqvimni hamma uchun optimallashtirish uchun har xil qarashlar va g‘oyalarni tinglashni xohlaymiz», - deya xulosa qildi Venger.