"PSJ" va Braziliya terma jamoasi sardori Markinyos o‘z jamoadoshi Neymarni himoya qildi. Neymarning 2022 yilgi Jahon chempionatidan keyin termadan ketish fikri butun Braziliya ahlini jumbushga keltirgandi.
Markinyos esa Neymar fikrini ommaga to‘g‘ri yetkazishga harakat qildi: "Odamlar ko‘p gapirishadi. Ular Neymarni tushunmagan ko‘rinishadi. U o‘z fikrida 2022 yildan keyin o‘z formasi qanday bo‘lishini bilmasligini, terma jamoa uchun munosib o‘yin ko‘rsatishga ko‘zi yetmasligi mumkinligini aytmoqchi edi. Hozir u o‘z futbolini namoyish etishga harakat qilmoqda. U keyingi musobaqalarda ishtirok etadi. Bizga "PSJ" va Braziliyada o‘zimizni ko‘rsatish uchun hali imkoniyat bor. Biz bundan foydalanishga harakat qilamiz".
Eslatib o‘tamiz, parijliklar kelayotgan turda "Marsel" maydoniga safar uyushtirishadi.
