"ПСЖ" ва Бразилия терма жамоаси сардори Маркиньос ўз жамоадоши Неймарни ҳимоя қилди. Неймарнинг 2022 йилги Жаҳон чемпионатидан кейин термадан кетиш фикри бутун Бразилия аҳлини жумбушга келтирганди.
Маркиньос эса Неймар фикрини оммага тўғри етказишга ҳаракат қилди: "Одамлар кўп гапиришади. Улар Неймарни тушунмаган кўринишади. У ўз фикрида 2022 йилдан кейин ўз формаси қандай бўлишини билмаслигини, терма жамоа учун муносиб ўйин кўрсатишга кўзи етмаслиги мумкинлигини айтмоқчи эди. Ҳозир у ўз футболини намойиш этишга ҳаракат қилмоқда. У кейинги мусобақаларда иштирок этади. Бизга "ПСЖ" ва Бразилияда ўзимизни кўрсатиш учун ҳали имконият бор. Биз бундан фойдаланишга ҳаракат қиламиз".
Эслатиб ўтамиз, парижликлар келаётган турда "Марсель" майдонига сафар уюштиришади.
