"Bavariya" bosh murabbiyi Yulian Nagelsmann koronavirusdan sog‘ayib ketishi uchun tilak bildirgan muxlislarga minnatdorchilik bildirdi. 34 yoshli mutaxassisda bugun koronavirus infeksiyasi aniqlangan edi.
“Sog‘ayib ketishim uchun aytilgan barcha tilaklar uchun katta rahmat. Men yaxshiman. Jamoam va barcha murabbiylar shtabim bilan faxrlanaman! Siz kecha ajoyib ish qildingiz va meniga eng yaxshi hursandchilikni ulashdingiz”, - deb xabar yozdi Nagelsmann Twitter sahifasida.
Eslatib o‘tamiz, Nagelsman 20 oktyabr kuni "Benfika"ga qarshi Chempionlar ligasi guruh bosqichi 3-tur uchrashuvida (4-0) sog‘lig‘i yomon bo‘lgani uchun qatnasha olmagan edi. O‘yinda uning o‘rniga jamoani yordamchi murabbiy Dino Topmeller boshqardi.
