Angliya Premyer-Ligasi 9-turidan o‘rin olgan «Arsenal» - "Aston Villa" uchrashuvidan oldin mezbonlar bosh murabbiyi Mikel Arteta matbuot anjumanida o‘z fikrlarini bildirib o‘tdi.
"Bugun ham mashg‘ulotlar o‘tkazdik, "Kristal Pelas" bilan o‘yinda muammolarga duch kelgan 2-3 nafar futbolchilarimiz bor va ularning holatini bugun ko‘rib chiqamiz".
Bukayo Sakaning sport formasi haqida
"U haligacha mashg‘ulot o‘tkazgani yo‘q, shuning uchun bugun uni yana tekshiruvdan o‘tkazamiz va holati qandayligini ko‘ramiz".
Lyakazett haqida
"Hozirgi bajarayotgan ishida bardavom bo‘lishi kerak. Uning jamoaga ta’siri katta. Buni «Brayton»ga qarshi o‘yinda ham guvohi bo‘ldik. U juda ko‘p o‘yinlarda qatnashga, men bu yerga kelganimdan beri o‘ynab kelayotgan va juda ham muhim o‘yinchi. Muhim bo‘lib qolaveradi".
"Aston Villa" haqida
"Bu sinov va ularga qarshi qanday qiyin bo‘lishini ko‘rsatib bo‘lishgan. Chunki yaqinda ularga qarshi o‘yinda o‘zimiz istagan natijaga erishmadik. Ular jamoa tarkibini kuchaytirganini bilamiz. Oxirgi mavsumlarda katta maqsadlarga ega bo‘lib borayotgan jamoaga qarshi bizni qiyin o‘yin kutib turibdi.
Bukayo Saka maydonga tushishi borasida biror narsa deya olmayman. Bu shifokorlarga va o‘ziga bog‘liq. U qanday tiklanishini va mashg‘ulotlarda o‘zini qanday tutishiga qarab bir qarorga kelamiz".
"Aston Villa" londonliklarga nisbatan 48 soat ko‘proq vaqtga ega bo‘ladi va bu ta’sir qilishi mumkin.
"Umid qilamanki, bunday bo‘lmaydi. Biz yetarlicha vaqtga egamiz deb umid qilaman va hammaning e’tibori bir joyga qaratilgan. Uyimizda o‘ynaymiz. Ularni mag‘lub etish uchun qanday o‘ynash usuli kerakligini bilamiz va e’tiborimiz shunga qaratilgan".
Martinesning sotilishi haqida
"Biz yaxshi va manfaatli qaror qabul qilganmiz. U juda ham kuchli klub a’zosi edi. Emiliano klubdagi sarflagan yillariga munosib edi. Uning faoliyati boshqalarnikidan ajralib turishini unutmang. Uning maqsadlari, e’tiqodi va faoliyatini qayerda davom ettirishi boshqacha bo‘ldi. Bu uchun kutilmaganda sodir bo‘ldi. Chunki, buning uchun u juda ko‘p vaqt kutdi. O‘zini yaxshi tomondan ko‘rsata olayotganidan xursandman. U ajoyib darvozabon. U bilan o‘ynaganman, boshqarganman. Unda qoyilmaqom indivuallik mavjud. U buni "Aston Villa" va terma jamoada ham ko‘rsatmoqda. U uchun xursandligimni ayta olaman".
