Birlashgan Arab Amirliklari chempionatida 7-tur o‘yinlari bo‘lib o‘tdi.
Bu turda hamyurtlarimiz harakat qilayotgan jamoalar o‘z o‘yinini o‘tkazishdi. Aziz G‘aniyev to‘p surayotgan Dubayning "Shabab Al-Ahli" klubi bu turda turnir jadvalida 2-o‘rinda borayotgan "Al-Jazira" klubini qabul qildi va yakunda qiyinchilik bilan 2:1 hisobida g‘alaba qozondi. G‘aniyev 62 daqiqa o‘ynadi. Otabek Shukurov Shukurov harakat qilayotgan "Sharja" esa o‘z maydonida "Al-Nasr"ga yirik 0:3 hisobida yengildi. Shukurov 90 daqiqa harakat qildi.
Ushbu natijadan so‘ng, turnir jadvalida "Sharja" o‘rnini aynan "Al-Nasr"ga bo‘shatib berib 12 ochko bilan 5-o‘ringa joylashdi. "Shabab Al-Ahli" esa aksincha, "Al-Jazira"dan yuqorilab 2-o‘ringa o‘ringa joylashib oldi. Ularning hisobida 7 o‘yindan keyin 14 ochko mavjud.
