Og‘ir jarohatlar Angliya Premyer-ligasi tarixida tez-tez uchrab turadi. «Stadion.uz» nashri quyida futbolchilarning eng yomon jarohatlari haqida hikoya qiladi. Kimdir jarohatidan tuzalishga muvaffaq bo‘ldi, kimdir karyerasini tugatdi va hatto...

Eduardo da Silva («Arsenal»)

2007/2008 yilgi mavsumda London klubi chempionlik unvonini qo‘lga kiritish uchun barcha imkoniyatlarga ega edi. Arsen Venger boshchiligidagi jamoa o‘ta jozibali futbol ko‘rsatdi: himoyani bir qancha tajribali Ture va Vilyam Gallas mustahkamladi, yarimhimoyada esa Sesk Fabregas, Matye Flamini, Aleksandr Gleb va Tomas Rosiskiylar harakat qilardi. Hujumning asosiy yulduzi Tyerri Anrining o‘rniga sotib olingan xorvat Eduardo da Silva edi.

«Kanonirlar»ning jasoratli yurishi bir baxtsiz kun bilan yakunlandi: 2008 yil 23 fevral. «Arsenal» safarda «Birmingem» bilan o‘ynadi va uchrashuvning ikkinchi daqiqasidayoq mezbonlar himoyachisi Martin Teylor Edvardni jarohatladi. Bir qarashda epizod qo‘rqinchli ko‘rinmadi, biroq bir necha soniyadan so‘ngfutbolchini o‘rab olgan «Arsenal» futbolchilari dahshatdan boshlarini ushlab oldilar. Keyinchalik ma’lum bo‘lishicha, jarohat tibia va fibulaning sinishiga olib kelgan, oyoq to‘qimalari shikastlangan. To‘qnashuv tufayli Silvaning to‘pig‘i chiqib ketgan.

«Kanonirlar» boshdan kechirgan vaziyatdan qutilolmadi, shekilli chempionlik poygasida «Manchester Yunayted»ga imkoniyatni boy berdi va Eduardoning yuqori saviyadagi faoliyati haqiqatda o‘z nihoyasiga yetadi.

Bir yil o‘tgach, hujumchi maydonga qaytadi va darhol «Kardiff Siti»ga qarshi dubl qayd etadi, lekin Silva avvalgi o‘yinini yo‘qotdi. Martin Teylor undagi ajoyib qobiliyatni sindirdi. 2010 yilda «Arsenal» xorvatiyalikni «Shaxtyor»ga sotdi, u yerda 6 mavsumni o‘tkazadi. Klubning taktik tarkibining muhim elementiga aylanadi. Ammo Eduardo da Silva Premyer-liga darajasiga qaytishni orzu qilmadi.

Aaron Remzi («Arsenal»)

Edvardning jiddiy jarohatidan ikki yil o‘tib, «Arsenal» tarixida yana bir baxtsizlik bo‘ldi: 2010 yil 27 fevralda «kanonirlar» Toni Pyulis boshchiligidagi «Stok Siti»ga qarshi maydonga tushishdi.

Keyinchalik «Stok»ning zaxira o‘yinchisi Deyv Kitsonning aytishicha, Pyulis o‘z futbolchilaridan iloji boricha jangovorroq o‘ynashini talab qilgan, murabbiy, ayniqsa, o‘z futbolchilarini «Arsenal»ga qarshi shiddat bilan o‘ynatgan va bu fojiyaga sabab bo‘lgan. «Taqachilar» futbolchilari o‘zlarini boshqara olmadilar va ikkinchi bo‘lim epizodlaridan birida himoyachi Rayan Shoukross yosh yarimhimoyachi Aaron Remziga oyog‘iga jiddiy zarba berdi va bu suyak sinishiga olib keldi. 7 daqiqa davomida uelslik futbolchiga maydonda yordam berildi, keyin esa kasalxonaga olib ketildi. Shoukross maydondan chetlatildi. Keyinchalik, «Arsenal»ning «Emirates» uy stadionida, Rayan doimo hushtaklar bilan kutib olinadi..

Yaxshiyamki, Remzining yosh tanasi unga tiklanish va avvalgi darajasiga qaytish imkonini berdi. Natijada, Aaron 2014 va 2017 yillarda Angliya kubogi finalida ikki marta g‘alaba qozonib, «Arsenal»ning yetakchisiga aylandi. 2019/20 yilgi mavsum oldidan u erkin agent sifatida «Yuventus»ga o‘tib ketdi. Turindagi birinchi mavsum Remzi uchun yaxshi bo‘lmadi. Ammo, keyinchalik o‘z o‘yinini topib, hozirda «keksa sinyora»ning asosiy futbolchilarian biri.  

Andre Gomesh («Everton»)

2019 yilgi mavsumdagi jiddiy jarohat: «Everton» - «Tottenxem» uchrashuvining ikkinchi bo‘limi oxirida «shporlar» hujumchisi Son Xin Min «irislar» futbolchisi Andre Gomeshni maydonga qulatdi, shundan so‘ng portugaliyalik Serj Orye bilan to‘qnashib ketdi va oyog‘ini sindirdi.

Andre og‘riqdan qichqirib yubordi, bosh hakam koreyalikka qizil kartochka ko‘rsatdi. Son esa tabiiyki ushbu vaziyatni ko‘tarolmadi va yig‘lab yubordi. Ammo, Gomeshning tuzalishi hayratlanarli darajada tez kechdi: 2019 yilning 3 noyabrida oyog‘ini sindirib, 2020 yilning 23 fevralida «Arsenal»ga qarshi safar o‘yinida zaxiradan maydonga tushib, maydonga qaytdi. Hozir portugaliyalik sportchi o‘sha dahshatli lahzani unutib qo‘ygan ko‘rinadi. Sababi, ayni paaytda avvalgi kabi ajoyib o‘yin namoyish etmoqda.

Petr Chex («Chelsi»)

2006 yil 14 oktyabr - Chexiyalik darvozabon Petr Chexning hayotini butunlay o‘zgartirgan, uni «oldin» va «keyin»ga ajratgan kun. «Reading»ga qarshi o‘yinning birinchi daqiqasida yarimhimoyachi Stiven Xant tizzasi bilan Chexning boshiga zarba berib yubordi. Tashqi tomondan, epizod zararsiz bo‘lib tuyuldi, lekin bu futbolchiga nafaqat sport karerasini, balki uning hayoti uchun ham xavfli bo‘lib chiqdi. Gap shundaki, Xant Chexning bosh suyagini sindirib yuborgan. 14-oktabr kuni murakkab operasiya vaqtida shifokorlar sportchining boshidan suyakning katta bo‘laklarini olib tashlashdi, qolganlari metall plitalar bilan mahkamladi.

Shifokorlar Piterning maydonga qaytolmasligiga aytishdi. Ammo oradan uch oy o‘tgach, kiper «Chelsi» darvozasida boshiga maxsus dubulg‘a kiygan holda paydo bo‘ldi.

Yillar o‘tib, ko‘pchilik Chexning boshiga himoya dubulg‘asi bo‘lmagan kunlanri unutadi. Bu uning tashrif qog‘oziga aylanadi, chunki ko‘zoynakli Edgar Devidsdan keyin, APLda o‘ziga xos nom qozongan. Keyinchalik, «Chelsi» 41 yoshli darvozabon bilan ikki yillik shartnoma imzoladi. Ammo, londonliklar tarkibida Kepa, Eduard Mendi va Villi Kabalyero kabi kiperlar bo‘lgani sababli, uning maydonga tushishi so‘roq ostida qoli. Biroz, vaqtdan so‘ng, chexiyalik darvozabon Xokkey klubi bilan shartnoma imzoladi va hozigi kunda ham sportning ushbu turi bilan shug‘ullanib keladi.

Devid Basst («Koventri»)

Premyer-liga tarixidagi eng jiddiy jarohatlardan biri. 1996 yilda «Koventri» himoyachisi Devid Basst «Manchester Yunayted» futbolchilari Denis Irvin va Brayan Makkleyr bilan to‘qnashuvda jiddiy zarba qabul vilib olgan.

Ikki futbolchi o‘rtasiga tushib qolgan 28 yoshli Basstning o‘ng oyog‘i yarmigacha buklanib qolgan. Natijada - bir vaqtning o‘zida 2 ta tibia suyagining ochiq sinishi tashxisi qo‘yildi. Uchrashuvni jonli efirga uzatuvchi telekanallar futbolchilar to‘qnashuvining oqibatlarini ko‘rsatishga yuraklari dosh berishmadi. Basstning singan fibulasi oyoq terini yiritib yubordi, o‘yin 15 daqiqaga to‘xtatildi. Bu vaqt ichida Devidni zambilda maydondan olib ketishdi va maysazor qondan tozalandi.

U deyarli oyog‘ini yo‘qotib qo‘ydi: shifokorlar uning tizzasidan pastga amputasiyasini talab qilishdi. 26 operasiyani boshidan o‘tkazgan Basst qo‘l-oyog‘ini saqlab qoldi, lekin bu epizod uning karyerasi va hayotidagi eng dahshatli voqea bo‘ldi.

«Kasalxonada 6 hafta qoldim. Dastlabki 10 kun ichida 10 marta operasiya qilindim. Jarohat biroz jiddiy bo‘lganligi tufayli tiklanishim juda sekin kechdi. Suyak sinishi natijasida infeksiyalanganligi sababli 5 ta tendondan 4tasini olib tashlashdi. Ba’zida menga oyoq-qo‘llarim jonsiz bo‘lib tuyuldi: suyaklar va barcha yumshoq to‘qimalarni davolaydigan qon ta’minoti yo‘q edi. Har kuni o‘sha epizodni o‘ylayman. Tez yordam mashinasida o‘tkazgan vaqtim haqiqiy do‘zaxdek tuyuldi», - deb eslaydi keyinchalik futbolchi.

Jamshidjon Mahmudov tayyorladi.