"Manchester Yunayted" "Sporting" vingeri Fransisku Trinkanni sotib olishga qiziqish bildirmoqda. The Sun nashri tarqatgan xabarga ko‘ra portugaliyaliklar "MYU" uchun futbolchining transfer summasini 60,4 mln yevrodan 83,7 mln yevroga oshirishni rejalashtirmoqda. Chunki Trinkan transferidan tushgan mablag‘ning yarmini Kataloniyaning "Barselona" klubi qo‘lga kiritadi.

Manbaga ko‘ra, "Manchester Yunayted" bosh murabbiyi Ruben Amorim futbolchi bilan "Sporting"dagi birgalikdagi faoliyati orqali tanish bo‘lgani uchun shaxsan uning transferiga qiziqish bildirmoqda. Qayd etilishicha, murabbiy "MYU" hujum chizig‘ini kuchaytirish uchun Portugaliya terma jamoasi vingerini asosiy maqsadlardan biri sifatida belgilagan.

Fransisku Trinkao 2022 yilning iyulida "Barselona"dan ijara asosida "Sporting"ga o‘tgan edi. Bir yil o‘tgach, Lissabon klubi futbolchining huquqlarini 7 million yevroga sotib oldi. Joriy mavsumda Trinkan "Sporting" safida barcha musobaqalarda 43 ta o‘yinda maydonga tushib, 9 ta gol va 15 ta golli uzatmani amalga oshirdi.