"Манчестер Юнайтед" "Спортинг" вингери Франсиску Тринканни сотиб олишга қизиқиш билдирмоқда. The Sun нашри тарқатган хабарга кўра португалияликлар "МЮ" учун футболчининг трансфер суммасини 60,4 млн евродан 83,7 млн еврога оширишни режалаштирмоқда. Чунки Тринкан трансферидан тушган маблағнинг ярмини Каталониянинг "Барселона" клуби қўлга киритади.
Манбага кўра, "Манчестер Юнайтед" бош мураббийи Рубен Аморим футболчи билан "Спортинг"даги биргаликдаги фаолияти орқали таниш бўлгани учун шахсан унинг трансферига қизиқиш билдирмоқда. Қайд этилишича, мураббий "МЮ" ҳужум чизиғини кучайтириш учун Португалия терма жамоаси вингерини асосий мақсадлардан бири сифатида белгилаган.
Франсиску Тринкао 2022 йилнинг июлида "Барселона"дан ижара асосида "Спортинг"га ўтган эди. Бир йил ўтгач, Лиссабон клуби футболчининг ҳуқуқларини 7 миллион еврога сотиб олди. Жорий мавсумда Тринкан "Спортинг" сафида барча мусобақаларда 43 та ўйинда майдонга тушиб, 9 та гол ва 15 та голли узатмани амалга оширди.
