"Lester" ustozi Brenden Rojers Jeyms Meddison haqida fikr bildirdi. U bu haqda shunday deydi:
"Jeyms jamoadagi futbolchilar ichida sheriklarini eng yaxshi tushunadigan o‘yinchi. U top darajadagi futbolchi. Bunga shubha yo‘q. Biroq hatto toplarda ham ba’zida ishonch yo‘qolib qolishi bor gap. Shunday paytlarda futbolchilarning o‘yinida pasayish seziladi. Bunda qanday yo‘l tutish kerak, dersiz? Men ushbu davrda u kim bo‘lishidan qat’iy nazar uni bir muddat o‘ynatmay turaman. Uning o‘yinlarini tahlil qilaman va shunga qarab ish ko‘raman".
Eslatib o‘tamiz, "tulkilar" kelayotgan turda "Arsenal"ni qabul qilishadi.