"Tottenxem" hujumchisi Lukas Moura "MYU"ga qarshi o‘yin oldidan o‘z fikrlarini bildirib o‘tdi. U bu haqda shunday deydi:
"Biz "MYU"dek jamoa bilan o‘ynashga har doim qiynalganmiz. Ular oldingi turdagi "Liverpul" bilan o‘yindan alamlari bor. Bizni esa, "Vest Xem"ga qarshi bahsdan. Har ikki jamoa mag‘lub bo‘lgan va shu sabab g‘alabaga intilishadi. Raqibimizda kuchli va tajribali futbolchilar bor. Shunga qaramay, hozirda ularning ahvoli yaxshi emas, og‘ir damlarni boshdan o‘tkazmoqda. Ammo bu bizning muammomiz emas. Bizga g‘alaba zarur va u uchun borimizni berishga tayyormiz".
Braziliyalik hujumchi liga kubogidagi yagona goli evaziga jamoasini "Byornli" to‘sig‘idan olib o‘tgan edi.