"Nyukasl" klubida vaqtinchalik bosh murabbiylik qilayotgan Grem Jons "Chelsi"ga qarshi bahsdan keyin o‘z fikrlarini bildirdi. U bu haqda shunday deydi:

"Ochiq aytish kerak, biz hozirda turnirda qolish uchun kurasha boshladik. Bu borada ortiqcha gap bo‘lishi mumkin emas. Bizga hozirda bu ahvoldan tezrok qutilib ketishga yordam bera oladigan yaxshi futbolchilar kerak. Shuningdek, yaxshi murabbiy ham. Bu muxlislarimiz bizdan kutayotgan o‘yin emas. Ular bizdan hujumlar va gollar kutishadi. Men buni bilaman. Ammo o‘yinimiz hozirgi darajamizni ko‘rsatmoqda. Biz darvozamizmi gollardan himoya qila olmayapmiz. Bu esa yaxshi emas".

Klub hozirda yangi murabbiy qidirish bilan band. Bu uchun Lempard, Favr hamda Emeri kabi nomzodlar ko‘rsatilgan.