Ispaniya chempionatining 12-turidan o‘rin olgan navbatdagi bahs yakunlandi.
Madriddagi "Vanda Metropolitano" stadionida bo‘lib o‘tgan "Atletiko" – "Betis" uchrashuvida Diyego Simeone shogirdlari yirik hisobda g‘alaba qozonishdi - 3:0.
O‘yinning 26-daqiqasida Karrasko "matraschilar"ni hisobda oldinga olib chiqqan bo‘lsa, 63-daqiqada Xerman Pesselya o‘z darvozasiga to‘p kiritib "Atletiko"ning g‘alabasini mustahkamladi. O‘yin so‘ngida Joau Feliks hisobni yirik ko‘rinishga keltirib qo‘ydi.
Ushbu g‘alabadan so‘ng, poytaxt jamoasi o‘z hisobidagi ochkolarni 22taga yetkazib aynan "Betis"ni quvib o‘tishdi va 4-o‘ringa joylashdi. "Qurbaqalar" esa 21 ochko bilan 5-pog‘onada.
Ispaniya chempionati, 12-tur
"Atletiko" – "Betis" - 3:0 (1:0,2:0)
Gollar: 26 - Karrasko (1:0), 63 - Pesselya, avtogol (2:0), 80 - Feliks (3:0).
"Atletiko" - Yan Oblak, Stefan Savich, Xose Ximenes, Mario Ermoso, Kiran Trippyer, Korrea, Karrasko, de Paul, Koke, Antuan Grizmann, Luis Suares.
"Betis" - Bravo, Montoyya, Pesselya, Edgar Gonsales, Moreno, Guardado, Kanales, Vilyam Karvalyu, Rodri, Xuanmi, Villian Joze.
