Испания чемпионатининг 12-туридан ўрин олган навбатдаги баҳс якунланди.

Мадриддаги "Ванда Метрополитано" стадионида бўлиб ўтган "Атлетико" – "Бетис" учрашувида Диего Симеоне шогирдлари йирик ҳисобда ғалаба қозонишди - 3:0.

Ўйиннинг 26-дақиқасида Карраско "матрасчилар"ни ҳисобда олдинга олиб чиққан бўлса, 63-дақиқада Херман Песселья ўз дарвозасига тўп киритиб "Атлетико"нинг ғалабасини мустаҳкамлади. Ўйин сўнгида Жоау Феликс ҳисобни йирик кўринишга келтириб қўйди.

Ушбу ғалабадан сўнг, пойтахт жамоаси ўз ҳисобидаги очколарни 22тага етказиб айнан "Бетис"ни қувиб ўтишди ва 4-ўринга жойлашди. "Қурбақалар" эса 21 очко билан 5-поғонада.

Испания чемпионати, 12-тур

"Атлетико" – "Бетис" - 3:0 (1:0,2:0)

Голлар: 26 - Карраско (1:0), 63 - Песселья, автогол (2:0), 80 - Феликс (3:0).

"Атлетико" - Ян Облак, Стефан Савич, Хосе Хименес, Марио Эрмосо, Киран Триппьер, Корреа, Карраско, де Пауль, Коке, Антуан Гризманн, Луис Суарес.

"Бетис" - Браво, Монтойя, Песселья, Эдгар Гонсалес, Морено, Гуардадо, Каналес, Вильям Карвалью, Родри, Хуанми, Виллиан Жозе.