Serbiyadagi jahon chempionati chiroyli janglar o‘tkazib kelayotgan 60 kilo vazndagi Abdumalik Halokov chorak finalda kuchli bokschi — rossiyalik Vsevolod Shumkovga qarshi chorak final doirasida ringga ko‘tarildi.

Rus bokschisi hamyurtimiz uslubini yaxshi o‘rgangan shekilli, ilk soniyalardanoq u oldinga tashlandi va Abdumalikka masofada ishlashga imkon bermaslikka urindi. Vatandoshimiz taymning yarmida o‘z ritmiga tushib oldi va bo‘limni o‘z foydasiga hal qildi.

Halokovning ustunligi ikkinchi raundda yanada oshdi va raqibiga imkon qoldirmadi. Shumkov uchinchi bo‘limda nokaut uchun ishladi. Ammo o‘zbek bokschisi bunga imkon bermadi.

Hakamlarning yakuniy baholari — 5:0 (30:27, 30:27, 30:27, 29:28, 29:28). Abdumalik Halokov JCH medalini hal qilib qo‘yamiz. Bu medal oltin bo‘lishini tilab qolamiz.