Football Insider nashri xabariga ko‘ra, «Manchester Yunayted» rahbariyati «Monako»ning 21 yoshli yarim himoyachisi Orelyen Tchuameni bilan shartnoma imzolash imkoniyatini ko‘rib chiqmoqda.
«Qizil iblislar» skautlari futbolchining Yevropa ligasi guruh bosqichi 4-turi doirasidagi PSVga qarshi o‘yinini kuzatib boradi. Agar yarimhimoyachi o‘zini ko‘rsatsa, u holda tomonlar muzokaralarni boshlaydi.
Eslatib o‘tamiz, Tchuamenining «Monako» bilan amaldagi shartnomasi 2024 yilning iyuniga qadar tuzilgan va futbolchining narxi 60 million yevroga baholangan.
