Italiya A Seriyasining 11-turida «Roma» o‘z uyida «Milan»ni qabul qilgandi (1:2). Ushbu bahsda «bo‘rilar» bosh murabbiyi Joze Mourinyo ta’qiqlangan harakatlarni amalga oshirganligi tufayli Italiya futbol federasiyasi tomonidan jarimaga tortildi.

Mourinyo o‘yindan keyin hakamlarning kiyim almashtirish xonasiga kirib nojo‘ya holatlarni amalga oshirgan. Shu sababli portugaliyalik mutaxassis 10 ming yevro jarimaga tortilgan.

Eslatib o‘tamiz, 58 yoshli murabbiy boshqaruvida rimliklar 19 ochko bilan A Seriya turnir jadvalida 4-o‘rinni band etib turibdi.