"Valensiya" himoyachisi va sardori Xose Gayya "Atletiko"ga qarshi La Liganing 13-turidan o‘rin olgan uchrashuvni o‘tkazib yuborishi mumkin, deya xabar beradi "Estadio Deportivo" nashri. Futbolchining oshqozonida muammolar bor. Uning keyingi o‘yinda ishtirok etishi shubha ostida.
Shuningdek, Maksi Gomes, Gabriel Paulista va Toni Lato amaldagi chempionga qarshi o‘yinda "ko‘rshapalaklar"ga yordam berishmaydi. Shu bilan birga, Denis Cherishev umumiy guruh mashg‘ulotlariga qaytgan. Rossiyalik futbolchi jamoasining navbatdagi uchrashuvida maydonga tushishga tayyor, deyiladi xabarda.
Eslatib o‘tamiz, "Valensiya" - "Atletiko" uchrashuvi 7 noyabr kuni Toshkent vaqti bilan 19:15 da start oladi.
