"Валенсия" ҳимоячиси ва сардори Хосе Гайя "Атлетико"га қарши Ла Лиганинг 13-туридан ўрин олган учрашувни ўтказиб юбориши мумкин, дея хабар беради "Estadio Deportivo" нашри. Футболчининг ошқозонида муаммолар бор. Унинг кейинги ўйинда иштирок этиши шубҳа остида.
Шунингдек, Макси Гомес, Габриэл Паулиста ва Тони Лато амалдаги чемпионга қарши ўйинда "кўршапалаклар"га ёрдам беришмайди. Шу билан бирга, Денис Черишев умумий гуруҳ машғулотларига қайтган. Россиялик футболчи жамоасининг навбатдаги учрашувида майдонга тушишга тайёр, дейилади хабарда.
Эслатиб ўтамиз, "Валенсия" - "Атлетико" учрашуви 7 ноябрь куни Тошкент вақти билан 19:15 да старт олади.
