Yakunlanayotgan haftada Yevropaning top-5 chempionatlarida bo‘lib o‘tadigan o‘yinlar anonsi bilan tanishing.
Angliya Premyer ligasi
Angliya chempionatining shanba kungi uchrashuvlarini Manchester derbisi boshlab beradi. «Old Trafford» kechadigan uchrashuvda «Yunayted» «Siti»ni sinovdan o‘tkazadi.
«Manchester Yunayted» – «Manchester Siti»
«Manchester Yunayted»
Ole-Gunnar Sulsher deyarli uch yildan buyon «Manchester Yunayted»ni boshqarib keladi. Norvegiyalik mutaxassis jamoaning o‘yini yaxshi tomonga o‘zgarishi uchun vaqt kerakligini aytishdan charchamaydi, lekin o‘sha vaqt o‘tmoqda, ammo jamoada jiddiy o‘sish yo‘q. Joriy mavsumgi chempionatda «qizil iblislar» chempionlik uchun kurashmasa kerak. Sababi, 10-turdan keyin ular turnir jadvalida 5-o‘rinni egallab turishibdi. Shanba kuni Sulsher shogirdlari derbida hamshaharlarini xafa qilishga harakat qilib ko‘rishadi.
«Manchester Siti»
«Manchester Siti» ikki kun avval Chempionlar ligasida «Bryugge»ni 4:1 hisobida mag‘lub etdi va pley-off masalasini deyarli hal qildi. Endi Xosep Gvardiola jamoasi bor e’tiborni ichki chempionat bahslariga qaratishi tabiiy. So‘nggi turda «shaharliklar» kutilmaganda o‘z maydonida «Kristal Pelas»ga 0:2 hisobida imkoniyatni boy berib qo‘yishdi. Bugun esa Gvardiola shogirdlari «Old Trafford»da uch ochko jamg‘arib, muxlislarini xursand qilishga harakat qilishadi.
Statistika va raqamlar:
- Ma’lumotlarga ko‘ra, Angliya Premyer ligasi bahlarida «MYU»ni «Old Trafford»da «Manchester Siti» va «Liverpul»dan (7 martadan) ko‘proq APLda mag‘lub eta olmagan.
- «Manchester Yunayted» APL doirasida «Manchester Siti»ga qarshi so‘nggi 4 o‘yinda mag‘lub bo‘lmagan (3 g‘alaba va durang).
- Ole-Gunnar Sulsher Xosep Gvardiolaga qarshi 8 o‘yinning 4 tasida g‘alaba qozongan. Norvegiyalik o‘zi bilan kamida 5 marta to‘qnash kelgan barcha murabbiylar orasida Pepni eng ko‘p mag‘lub etgan mutaxassis hisoblanadi.
- «Manchester Siti» APLning joriy mavsumidagi 10ta uchrashuvning 3tasida gol ura olmadi. «Shaharliklar» ushbu «quruq» seriyani o‘tgan mavsumdagi 38 uchrashuv davomida qayd etgandi.
Tur doirasidagi qolgan uchrashuvlar.
Angliya Premyer ligasi
11-tur
05.11.2021
Sautgempton : Aston Villa |1:0
06.11.2021
Manchester Yunayted - : - Manchester Siti|17:30
Brentford - : - Norvich|20:00
Chelsi - : - Byornli|20:00
Kristal Pelas - : - Vulverxempton|20:00
Brayton- : - Nyukasl|22:30
07.11.2021
Lids - : - Lester|19:00
Everton - : - Tottenxem|19:00
Arsenal - : - Uotford|19:00
Vest Xem - : - Liverpul|21:30
La Liga
Ispaniya chempionatining 13-turidan o‘rin olgan o‘yinlardan markaziy uchrashuvlarning biri «Selta» va «Barselona» o‘rtasida kechishi aniq. Kataloniya klubi hozirda jiddiy qiyinchiliklarni boshdan kechirmoqda. Ketma-ket omadsiz uchrashuvlar Vigoda yakuniga yetadimi?
«Selta» – «Barselona»
«Selta»
Oldingi uchta turda «Selta» barcha mumkin bo‘lgan natijalarni qayd etib ko‘rdi. Avvaliga vigoliklar «Xetafe»ni mag‘lub etishdi (3:0), keyin «Real Sosyedad»ga imkoniyatni boy berdi (0:2), so‘nggi o‘yinda esa «Rayo Valyekano» bilan murosa yo‘lini tanladi (0:0). Barqarorlikning yo‘qligi «Selta»ning mag‘lubiyatining asosiy sababi.
Xo‘sh, «Barselona»ga qarshi bellashuvda ushbu natijalarning qaysi biri kuzatilishi mumkin?!
«Barselona»
«Barselona»ning muammolariga chegara yo‘q. «Ko‘k-anorranglilar» ikki turdan buyon «Real»ga 1:2, «Rayo Valyekano»ga 0:1 hisoblarida mag‘lub bo‘lib kelmoqda. Shuningdek, o‘tgan turda kataloniyaliklar «Alaves» bilan 1:1 hisobida durang o‘ynadi.«Ko‘k-anorranglilar» ketma-ket uch tur davomida ochko yo‘qotganlari yetmagandek, bir qancha yo‘qotishlarga ham duch kelishdi. «Alaves» bilan o‘yinda Serxio Aguero yuragi bilan bog‘liq muammoga duch keldi va noma’lum muddatga safdan chiqdi.
Statistika va raqamlar:
«Selta» so‘nggi ikki o‘yinda bir ochko qo‘lga kiritdi;
«Barselona» uch turdan beri g‘alaba qozona olmayapti;
«Selta» so‘nggi to‘rt uchrashuvning faqatgina bittasida «Barselona»ni mag‘lub etishni uddalagan.
Tur doirasidagi qolgan uchrashuvlar.
Ispaniya La Ligasi
13-tur
05.11.2021
Atletik - Kadis|0:1
06.11.2021
Espanyol - : - Granada|18:00
Selta - : - Barselona|20:15
Alaves - : - Levante|22:30
Real Madrid - : - Rayo Valyekano|01:00
07.11.2021
Vilyarreal - : - Xetafe|18:00
Valensiya - : - Atletiko|20:15
Osasuna - : - Real Sosyedad|22:30
Malyorka - : - Elche|22:30
Betis - : - Sevilya|01:00
A Seriya
Italiya chempionatining 12-turi eng markaziy uchrashuvlaridan biri «Milan» – «Inter» jamoalari o‘rtasidagi derbi hisoblanadi.
«Milan» – «Inter»
Mazkur jamoalar A Seriya turnir jadvalida yonma-yon joylashgan bo‘lib, faqatgina ochkolarida farq bor. «Rossonerilar» 11 turdan so‘ng 31ochko to‘plagan holda 2-pog‘onadan joy olgan. «Neradzurrilar» esa 11 uchrashuvda 7 g‘alaba, 3 durang va 1 mag‘lubiyat qayd etib, 24 ochko to‘plagan va mos ravishda jadvalda 3-o‘rinni egallagan.
O‘tgan turda Stefano Pioli shogirdlari «Roma» maydoniga safar uyushtirib, 2:1 hisobidagi qiyin g‘alabani qo‘lga kiritishdi. Simeone Indzagi boshchiligidagi «Inter» esa o‘z maydonida «Udinezi»ni qabul qilib, 2:0 hisobida ustun kelishgan.
Umuman olganda, mazkur ikki jamoa uchrashuvga turli kayfiyatdatashrif buyurmoqda. Sababi, hafta boshida o‘tkazilgan Chempionlar ligasi 4-turida «Milan» Italiyada «Portu»ni qabul qilib 1:1 hisobida durang o‘ynadi. «Inter» esa Moldovaga tashrif buyurib, mahalliy «Sherif» jamoasini 3:1 hisobida mag‘lub etishni uddalagan.
Raqamlar va statistika:
- «Inter» «Milan»ga qarshi so‘nggi 9 uchrashuvning 7 tasida mag‘lub bo‘lmagan. Mazkur jamoalar o‘rtasidagi so‘ng 5 uchrashuvning 4 martasida «neradzurrilar» g‘alaba qozongan.
- «Inter» so‘nggi 5 o‘yinning har birida o‘rtacha 2,20 tadan gol urgan. «Milan» esa ushbu ko‘rsatkich 1,00 ta golni tashkil qiladi.
- «Milan» so‘nggi 10 uchrashuvning 8 tasida gol o‘tkazib yuborgan. «Inter» so‘nggi 5 o‘yinda har bir o‘yinda o‘rtacha 0,60 gol o‘tkazib yubordi
Tur doirasidagi qolgan uchrashuvlar.
Italiya A Seriyasi
12-tur
05.11.2021
Empoli : Jenoa|2:2
06.11.2021
Spesiya - : - Torino|19:00
Yuventus - : - Fiorentina|22:00
Kalyari - : - Atalanta|00:45
07.11.2021
Venesiya - : - Roma|16:30
Udineze - : - Sassuolo|19:00
Sampdoriya - : - Bolonya|19:00
Napoli - : - Verona|22:00
Lasio - : - Salernitana|22:00
Milan - : - Inter|00:45
Bundesliga
Bundesliganing shanba kungi uchrashuvlari yorqin qarama-qarshilik bilan yakunlanadi, Dortmundning «Borussiya» jamoasi «Leypsig» mehmoni bo‘ladi. O‘yin «Red Bull Arena» stadionida 6 noyabr kuni Toshkent vaqti bilan soat 22:30da boshlanadi.
«Borussiya» – «Leypsig»
«Leypsig»
«Buqalar» chempionatni yaxshi boshlashmadi va allaqachon bir nechta qaqshatqich mag‘lubiyatlarga uchrab, turnir jadvalining quyi pog‘onalariga tushib ketdi. «Leypsig» Chempionlar ligasi musobaqasi guruhidan chiqish uchun barcha imkoniyatlarini yo‘qotib, haligacha 1-g‘alabasini qo‘lga kiritganicha yo‘q. Endilikda «buqalar» futbolchilari shakllana boshlashdi, natijada klub 6uchrashuvli mag‘lubiyatsiz seriya qayd etmoqda. Oxirgi turda Marsh shogirdlari Frankfurtning «Ayntraxt» klubi mehmoni bo‘lib 1:1 hisobida durang o‘ynadi.
«Borussiya Dortmund»
Unchalik yorqin bo‘lmagan startdan so‘ng, «asalarilar»ning turnir jadvalidagi o‘rni ham yuqorilay boshladi. 6-turdagi Myonxengladbaxning «Borussiya»siga mag‘lub bo‘lgandan so‘ng, bir qator g‘alabalarni qo‘lga kiritib kelmoqda. To‘g‘ri, Chempionlar ligasida «asalarilar» xuddi «Leypsig» kabi omadsiz o‘tkazmoqda. Ammo ularning Bundesligadagi ishlari ancha yaxshi davom etmoqda.
Statistika va raqamlar
Bu jamoalar o‘rtasidagi so‘nggi o‘yin «Borussiya»ning 1:4 hisobidagi g‘alabasi bilan yakunlandi.
«Leypsig» oxirgi besh uchrashuvning 4 martasida «Borussiya»ga yutqazgan.
Mazkur jamoalar o‘rtasidagi eng sermahsul uchrashuv 2019 yilda o‘tkazilgan. O‘shanda har ikki klub ham raqib kiperlarini 3 martadan xafa qilgan.
Tur doirasidagi qolgan uchrashuvlar.
Germaniya Bundesligasi
12-tur
05.11.2021
Mayns : Borussiya M|1:1
06.11.2021
Boxum - : - Xoffenxaym|19:30
Shtutgart - : - Arminiya|19:30
Volfsburg - : - Augsburg|19:30
Bavariya - : - Frayburg|19:30
Leypsig - : - Borussiya D|22:30
07.11.2021
Gerta - : - Bayer|19:30
Kyoln - : - Union Berlin|21:30
Groyter - : - Ayntraxt F|23:30
Liga 1
Yulduzli tarkibga ega «PSJ» 13-turda «Bordo» maydoniga safar uyushtiradi. Garcha, mazkur bellashuv markaziy uchrashuv maqomida bo‘lmasa ham, parijliklarning yulduzli tarkibi o‘yinlarini ko‘rish muxlislar uchun qiziq.
«PSJ» – «Bordo»
«Bordo»
«Bordo» 12-turdan keyin Liga 1 musobaqasi turnir jadvalida 16-o‘rinda bormoqda. Ayni paytda klub hisobida atigi 12 ochko bor.
Yozda jamoani Vladimir Petkovich qabul qilganiga qaramay, «Bordo» o‘yinida hali jiddiy o‘sish kuzatilmagan.
«Jirondinlar» hozirgacha bor-yo‘g‘i ikkita g‘alabaga erishgan. Ulardan biri so‘nggi turda kuzatildi. Ular o‘z maydonida «Reyms»ni qabul qilib 3:2 hisobida mag‘lub etishdi. Mazkur g‘alaba hamon «Bordo»ning joriy mavsumdagi o‘z maydonida qo‘lga kiritgan yagona g‘alabasi hisoblanadi.
«Bordo» o‘tgan 12 uchrashuvning har birida kamida bittadan gol o‘tkazib yuborgan.
«PSJ»
«PSJ» yakka peshqadamlik qilgan holda, Fransiya chempionati turnir jadvalida yetakchilik qilmoqda. Parij klubi eng yaqin ta’qibchisidan 8 ochko oldinda bormoqda.
Pochettino shogirdlar mavsumni ajoyib tarzda boshlashdi. Ular ketma-ket sakkizta g‘alabaga erishdi, shundan so‘ng jamoaning o‘yinida biroz pasayish kuzatildi.
O‘tgan haftada «PSJ» «Lill» ustidan irodali g‘alabaga erishdi (2:1). Maurisio Pochettino shogirdlari o‘yinning ko‘p qismini yaxshi o‘tkaza olishmadi, ammo so‘nggi 15 daqiqadagi harakatlar uchun parijliklar uch ochkoni qo‘lga kiritishdi.
Bir necha kun oldin «PSJ» Chempionlar ligasi doirasida «Leypsig» bilan mehmonda durang o‘ynadi (2:2). Shuningdek, mazkur bellashuvni Lionel Messi jarohati tufayli o‘tkazib yuboradi.
Tur doirasidagi qolgan uchrashuvlar.
Fransiya, Liga 1
13-tur
05.11.2021
Lans : Trua|4:0
06.11.2021
Lill - : - Anje|21:00
Bordo - : - PSJ|01:00
07.11.2021
Marsel - : - Mets|17:00
Sent-Etyen - : - Klermon|19:00
Reyms - : - Monako|19:00
Nant - : - Strasbur|19:00
Loryan - : - Brest|19:00
Nissa - : - MonpelYE|21:00
Renn - : - Lion|00:45
Jamshidjon Mahmudov tayyorladi
