«Manchester Yunayted» bosh murabbiyi Ole-Gunnar Sulsher «Manchester Siti» sovrinlar bo‘yicha «qizil iblislar»dan o‘zib ketishini tasavvur qila oladimi, degan savolga javob berdi.

«Yo‘q, men tasavvur qila olmayman», deb Sulsherning so‘zlarini keltiradi The Guardian. «Ammo shu bilan birga, biz «Manchester Siti» Angliya va Yevropada hukmronlik qilganini hisobga olsak, so‘nggi 10 yil ichida qilgan ishlarini hurmat qilishimiz kerak. Ammo biz «Manchester Yunayted»miz va har doim o‘z joyimizga qaytamiz. «Yunayted» - Manchesterdagi birinchi raqamli klub».

Eslatib o‘tamiz, bugun «Old Trafford» stadionida Angliya chempionatining 11-turidan o‘rin olgan «Manchester Yunayted» – «Manchester Siti» uchrashuvi bo‘lib o‘tadi. Uchrashuv Toshkent vaqti bilan 17:30da boshlanadi.

Ma’lumot o‘rnida, APLning 10-turidan keyin «Yunayted» 17 ochko bilan beshinchi o‘rinda bormoqda. «Siti» 20 ochko jamg‘arib, uchinchi o‘rinni egallagan.