«Манчестер Юнайтед» бош мураббийи Оле-Гуннар Сульшер «Манчестер Сити» совринлар бўйича «қизил иблислар»дан ўзиб кетишини тасаввур қила оладими, деган саволга жавоб берди.

«Йўқ, мен тасаввур қила олмайман», деб Сульшернинг сўзларини келтиради The Guardian. «Аммо шу билан бирга, биз «Манчестер Сити» Англия ва Европада ҳукмронлик қилганини ҳисобга олсак, сўнгги 10 йил ичида қилган ишларини ҳурмат қилишимиз керак. Аммо биз «Манчестер Юнайтед»миз ва ҳар доим ўз жойимизга қайтамиз. «Юнайтед» - Манчестердаги биринчи рақамли клуб».

Эслатиб ўтамиз, бугун «Олд Траффорд» стадионида Англия чемпионатининг 11-туридан ўрин олган «Манчестер Юнайтед» – «Манчестер Сити» учрашуви бўлиб ўтади. Учрашув Тошкент вақти билан 17:30да бошланади.

Маълумот ўрнида, АПЛнинг 10-туридан кейин «Юнайтед» 17 очко билан бешинчи ўринда бормоқда. «Сити» 20 очко жамғариб, учинчи ўринни эгаллаган.