Bugun, 6 noyabr kuni «Barselona» safarda «Selta» mehmoni bo‘lib, alamli tarzda ochko yo‘qotishdi.  Birinchi bo‘limdan so‘ng, 3:0 hisobda g‘alaba qozonayotgan kataloniyaliklar uchrashuv oxirida 3:3 hisobidagi duranggaimzo chekishdi.

Ma’lum bo‘lishicha, bu Kataloniya klubi tarixidagi o‘ziga xos natija bo‘lgan. Gap shundaki, «ko‘k-anorranglilar» shu paytgacha ketma-ket birinchi bo‘lib 3 ta gol urgan 276 uchrashuvning barchasida g‘alaba qozonishgan va bugun vigoliklarga qarshi o‘yinda bu an’anga chek qo‘yildi, deb xabar beradi ESPN.

Ma’lumot o‘rnida, mazkur uchrashuv «Barselona» jamoasini vaqtincha qabul qilib olgan Serxi Barxuana boshchiligidagi so‘nggi o‘yin bo‘ldi. Dushanba kuni Xavi Ernandes rasman murabbiy sifatida tanishtiriladi, shundan so‘ng ispaniyalik mutaxassis yangi murabbiy sifatida ish boshlaydi.