Simone Inzagi derbidan keyingi fikrlari bilan o‘rtoqlashdi (1:1). Murabbiyning fikricha, yakun omadsiz kechgan bo‘lsada, jamoa g‘alabaga qozonishi mumkin edi.
"Bizda juda ko‘p imkoniyatlar bo‘ldi va bir penaltidan foydalana olmadik. Biz ko‘proq narsaga loyiq edik. Bizga jadvalni munosib ravishda boshqarayotgan ajoyib jamoa raqiblik qildi.
Jamoa g‘alaba qozonish uchun o‘ynadi, o‘ylaymanki, bunga erishish uchun yetarlicha harakat qildik. Tezlik juda yuqori edi. Ikkala jamoa ham texnik jihatdan yaxshiroq o‘ynashi mumkin edi, ammo o‘yin keskin o‘tdi.
Penalti tepadigan futbolchilarimiz - Lautaro va Chalhanoglu. Perishich ham zarba bera oladi. Xoqon birinchi, Lautaro ikkinchi bo‘ldi. Ular o‘zlari qaror qilishlari kerak", - dedi murabbiy.
