"Napoli" klubi hujumchisi Lorenso Insinye bilan yangi shartnoma shartlari bo‘yicha kelisha olmayapti, deya xabar bermoqda jurnalist Nikolo Skira.
Ma’lumotlarga ko‘ra, forvard 6 million yevrolik maosh bilan 4 yillik shartnoma, hamda 7 million yevrolik bonus puli berilishini istamoqda.
Neapolliklar, o‘z navbatida, 30 yoshli futbolchiga hozirgi maoshi 4,6 million yevrodan ko‘proq pul to‘lamoqchi emas. Qayd etilishicha, hozirda muzokaralar to‘xtab qolgan.
Joriy mavsumda Insinye barcha turnirlarda 14ta uchrashuvda ishtirok etib, 5 ta gol urdi va 4 golli uzatmani amalga oshirdi.
