Sobiq ingliz futbolchisi Alan Smit "Arsenal" hujumchisi Gabriyel Martinelli haqida fikr bildirdi. U "Sky Sports" kanaliga shunday deydi:
"U hali o‘zini ko‘rsatadi. Uning kelajagi oldinda. U Angliyaga kelib to‘g‘ri ish qilgan. Uning porlagan o‘yinlari hammaning esida turibdi. Ammo Gabi jarohatlar girdobida qolib ketdi. Shunga qaramay, u juda ham iqtidorli futbolchi. Men uning istiqboliga ishonaman".
Martinelli 2019 yilda Braziliyaning "Ituano" klubidan 6,7 million yevroga xarid qilingan edi. U ikki yil davomida to‘pchilar safida 56ta bahsda maydonga tushirilgan va 12ta gol hamda 7ta assistga mualliflik qilgan.
