Toshkentning "Lokomotiv" futzal klubi hujumchisi Akbar Usmonov O‘zbekiston chempionatining 2-tur uchrashuvlari haqida fikr bildirdi.

"2-tur uchrashuvlari qiziq bo‘lib o‘tdi. Uchala o‘yinda ham raqiblar munosib qarshilik ko‘rsatishdi. Barcha bahslarda g‘alabaga erishganimizdan xursandman. Buning uchun jamoadoshlarim va murabbiylar shtabiga rahmat aytaman.

– 6 o‘yinda 6 g‘alaba - bu raqiblarning kuchsizligidan dalolatmi yoki "Lokomotiv" kuchayganidanmi?

- Raqiblarni kuchsiz demagan bo‘lardim. Futbolchilar har bir bahsga yuqori kayfiyatda maydonga tushishmoqda. shunday evaziga g‘alabalar kelayotgan deb o‘ylayman. Qisqa qilib aytganda, barcha futbolchilar qattiq mehnat qilishmoqda.

- Bunga qadar ham Siz bir necha bora chempionatda to‘purar bo‘lgandingiz. Uch mavsumda jamoaviylikka e’tibor berasizmi yoki ko‘proq gol urishga?

- Futbolda baribir jamoaning g‘alabasi yuqori o‘rinda turadi. Men ham doimo jamoaning muvaffaqiyatini barchasidan ustun qo‘yaman. Shu orqali o‘z gollarim bilan g‘alabalarga munosib hissa qo‘shmoqchiman", – dedi Usmonov.