Himoyachi Dani Alves «Barselona»ga qaytdi. 38 yoshli braziliyalik Kataloniya klubi bilan shartnoma imzoladi, deb xabar beradi jamoaning Twitteri.
Braziliyalik futbolchi jamoaga qo‘shiladi va keyingi haftadan mashg‘ulotlarga kirishadi. Biroq u faqat 2022 yilning yanvaridan boshlab rasmiy o‘yinlarda qatnasha oladi.
Alves 2008 yildan 2016 yilgacha «Barselona»da o‘ynab, ispan klubi bilan 23 ta sovrin yutgan.
Himoyachining so‘nggi klubi «San-Paulu» bo‘lib, u sentyabrda qarz tufayli jamoani tark etgandi.
