Yurtimizdagi mashhur futbol sharhlovchisi va jurnalisti Davron Fayziyev "Barselona" klubidagi o‘zgarishlar haqida fikr bildirdi.
"Rasman, Dani Alves Barselona klubiga qaytmoqda. 38 yoshli futbolchi o‘zi o‘ynagan klublarida 46 bor turli darajadagi sovrinlar qo‘lga kiritgan. Bungacha Alves Braziliyaning San Paulu klubida tayanch yarimhimoyachi pozisiyasida o‘ynayotgandi. Barselonada u yanvar oyidan o‘ynashi mumkin bo‘ladi, shartnomasi esa cho‘zdirish sharti bilan mavsum oxirigacha tuzilgan. Laporta avvalgi darajani tiklashni boshlamoqda, Xavi, Alveslar muxlislarga yoqimli qaytishlar. Tabiiyki 38 yoshda nima yordam qila oladi degan fikr paydo bo‘lishi mumkin, bu transfer asosan jamoaviy ruhni tiklash, avvalgi atmosferani yuzaga keltirish uchun amalga oshirilayotgani ko‘ririb turibti. Balki avvalgi “komanda” yig‘ilayotganini ko‘rib yana qaysidir afsona qaytishni xohlab qolar…", - deb yozgan Fayziyev "Telegram" sahifasida.
