"Yuventus" hujumchisi Alvaro Morataning kelajagi noaniqligicha qolmoqda, deya xabar berdi "Todofichajes" nashri.

Ma’lumotlarga ko‘ra, "Yuventus" ispaniyalik futbolchi uchun "Atletiko"ga 35 million yevro to‘lashga qodir emas. Bu narh pasaysagina Morata Turinda qolishi mumkin.

“Matraschilar”ga esa endi 29 yoshli futbolchi kerak emas, shu bois ular ispaniyalikning jamoaga qaytishini xohlamaydi.

Joriy mavsumda Morata “Yuventus” safida 14ta o‘yinda maydonga tushib, 4ta gol urdi va 1ta golli uzatmani amalga oshirdi. Uning bozor qiymati 45 million yevroni tashkil qiladi.