Bundan bir necha daqiqa oldin Qarshi shahridagi “Markaziy” stadionda Coca-Cola Superliga 24-tur doirasidagi “Nasaf” – “Qo‘qon-1912” uchrashuvi bo‘lib o‘tdi.

Bugungi o‘yin oldidan qo‘qonliklar tarkibida jiddiy yo‘qotishlarga bor edi. Farhod Bekmurodov va Iqbol Malikjonov sariq kartochkalar to‘planib qolgani sababli Qarshiga borishmadi. Asadbek Sobirjonov, Hamidillo Abduhamidov jarohati sababli bugungi o‘yinni o‘tkazib yuborishdi. Murod Xolmuhammedov, Aleksandr Merzlyakov, Mo‘min Meliyev hamda Muzaffar Abdullayevda ham kichik jarohatlar mavjudligi bois asosiy tarkibga kiritilmadi.

Uchrashuv mezbonlarning shiddatli hujumlari bilan boshlandi. Buning natijasida 10-daqiqada Husayn Norchayev burchakdan yetkazilgan to‘pni bosh bilan darvozaga joylab, hisobni ochdi. Goldan keyin har ikki jamoa vakillari tomonidan bir qator hujumlar tashkil etildi. Ana shunday hujumlarning birida Muhammadanas Hasanov hisobni tenglashtirishi mumkin edi. U burchak zarbasini amalga oshirgan paytda darvoza to‘sinini nishonga oldi. Tanaffusga jamoalar shu hisobda chiqib ketishdi.

Ikkinchi bo‘limni ham mezbonlar xavfli hujumlar bilan boshlashdi. 57-daqiqada Bahrom Abdurahimov hisobni 2:0 ko‘rinishiga keltirib qo‘ydi. Oradan 11 daqiqa o‘tib, Alibek Davronov uchinchi bor darvozamizni ishg‘ol etdi. Aytib o‘tish joizki, raqiblarimizning ikki goli standart vaziyatdan keyin yuzaga keldi.

75-daqiqada mehmonlar hisobni qisqartirishdi. Avazxon Mamatxo‘jayevning ideal uzatmasini Sidorov boshi bilan raqib darvozasiga joylab qo‘ydi. Shundan keyin "Qo‘qon-1912" katta kuch bilan hujumga zo‘r berishdi. Ammo vaziyatlardan foydalana olmaslik natijasida hisobni o‘zgartira olishmadi.

"Nasaf" ushbu g‘alabadan so‘ng o‘z ochkolarini 44taga yetkazib, jadvalda 3-o‘ringa ko‘tarilib oldi. Jamoa 2-pog‘onadagi AGMKdan 2 ochko ortda qolmoqda.

Coca-Cola Superliga. 24-tur
NASAF – QO‘QON-1912 3:1 (1:0)
Hakamlar: Akobirxo‘ja Shukurullayev, Olim Abduvosilov, Otabek Qosimov, Husan Muzaffarov
Nazoratchi: Dmitriy Roman
Komissar: Shohruh Said
Gollar: Husayin Norchayev 10, Bahrom Abdurahimov 57,  Alibek Davronov 67. - Andrey Sidorov 75.
"Nasaf": 1. Umidjon Ergashev, 2. Alibek Davronov, 5. G‘olib G‘aybullayev, 8. Dilshod Saitov (15. Jo‘rabek Mannonov, 69), 18. Bahrom Abdurahimov ( 7. Doniyorjon Narzullayev, 58) (50. Shohmalik Komilov, 74), 19. Husayin Norchayev (99. Andriya Kaluderovich, 69), 20. Suhrob Nurulloyev, 22. Akmal Mozgovoy, 34. Sherzod Nasrullayev, 77. Oybek Bozorov, 88. Marko Stanoyevich
"Qo‘qon-1912":  96. Islomjon Abdullayev, 3.Bobur Akbarov, 4.Ilxomjon Vahobov, 5.Slavko Lukich (14.Avazxon Mamatxo‘jayev, 63),10.SHohnazar Norbekov, 13.Sardor Azimov,15.Oybek Rustamov, 18.Anvar Xojimirzayev ( 99.Andrey Sidorov, 46) 22.Muhammadanas Hasanov ( 19.Suhrob Berdiyev, 63), 33.Ivan Yosovich, 91.YAkuba Bamba