Seminarni OFK instruktorlari Vladislav Tseytlin va Valentin Kovalenko olib bordi. Unda hakamlar hatti-harakati, yo‘l qo‘yilgan kamchiliklar tanqidiy tahlil qilindi. Shuningdek, mavsum so‘ngidagi mas’uliyatli o‘yinlarda maksimal darajada yuqori saviyada faoliyat olib borish bo‘yicha ko‘rsatmalar berildi.
Shuningdek, bugun O‘FA Hakamlar va nazoratchilar qomitasining navbatdagi yig‘ilishi bo‘lib o‘tdi. Unda yosh hakamlarni tayyorlashni yangi bosqichga olib chiqilishi va yoshlarni tayyorlashda instruktorlar rolini oshirish, o‘zbek tilida o‘quv-uslubiy materiallar tayyorlash bo‘yicha keng muhokamalar olib borildi. Shu bilan bir qatorda, VAR tizimida ishlovchi hakamlar sonini oshirish, ularning sifat darajasini yaxshilash bo‘yicha takliiflar ko‘rib chiqildi.
Qo‘mitaning keyingi yig‘ilishi dekabr oyiga belgilandi, unda 2021-yil yakunlari va 2022-yil rejalari bo‘yicha hisobotlar taqdim etiladi.
