Семинарни ОФК инструкторлари Владислав Тсейтлин ва Валентин Коваленко олиб борди. Унда ҳакамлар ҳатти-ҳаракати, йўл қўйилган камчиликлар танқидий таҳлил қилинди. Шунингдек, мавсум сўнгидаги масъулиятли ўйинларда максимал даражада юқори савияда фаолият олиб бориш бўйича кўрсатмалар берилди.
Шунингдек, бугун ЎФА Ҳакамлар ва назоратчилар қомитасининг навбатдаги йиғилиши бўлиб ўтди. Унда ёш ҳакамларни тайёрлашни янги босқичга олиб чиқилиши ва ёшларни тайёрлашда инструкторлар ролини ошириш, ўзбек тилида ўқув-услубий материаллар тайёрлаш бўйича кенг муҳокамалар олиб борилди. Шу билан бир қаторда, ВАР тизимида ишловчи ҳакамлар сонини ошириш, уларнинг сифат даражасини яхшилаш бўйича таклиифлар кўриб чиқилди.
Қўмитанинг кейинги йиғилиши декабр ойига белгиланди, унда 2021-йил якунлари ва 2022-йил режалари бўйича ҳисоботлар тақдим этилади.