"Yuventus" "River Pleyt" hujumchisi Julian Alvaresga qiziqish bildirmoqda, deya xabar berdi "Goal" nashri.
Ma’lumotlarga ko‘ra, klublar allaqachon dastlabki muzokaralarni o‘tkazgan, italyan klubi 21 yoshli argentinalik uchun 15 million yevro to‘lashga tayyor va kelishuvga 10 million yevro miqdoridagi bonus pullari ham kiritilgan. Shu bilan birga, Argentina klubi futbolchini 20 million yevrodan kam summaga qo‘yib yubormoqchi emas.
Butun faoliyati davomida Alvares "River Pleyt" uchun 90ta o‘yinda maydonga tushib, 31ta gol va 23 golli uzatmani amalga oshirgan. "Transfermarkt.com" portali futbolchining narxini 20 million yevroga baholamoqda.
